Útskriftinni lokið í ha í ha......

Ótrúlegt en satt þetta er bara búið útskriftin var í dag og þar með er þetta allt löglegt...það verða viðbrigði að vera ekki í tölvunni sínkt og heilagt... en maður verður að halda sér við og reyna að blogga svona inni á milli... Ég ætlaði að setja inn myndir af útskriftinni en þær eru svo lélegar vegna þess að myndasmiðurinn var svo langt í burtu. Það væri gaman að eiga mynd af hópnum. Sú sem var með bestu einkunn í framhaldsnáminu er að vinna með mér hún heitir Ásdís og var í dagskólanum hún fékk 9 í öllu frábær árangur. Jæja ég óska öllum gleðilegra jóla og farsældar á komandi ári..

 Anna Ruth ofursjúlli ( eins og ein kallar okkur alltaf )

Í ha..... stundin er runnin upp

Ótrúlegt ég er búin í þessu námi... mér gekk bara vel í morgun í hjúkrunarprófinu mér fannst þetta ekki strembið.... kannski krossarnir þeir eru alltaf svolítið snúnir... en þessum kafla er lokið..... jæja er er að fara á kvöldvakt þannig þetta verður í styttra lagi núna.... en hafið það sem allra best og þá sérstaklega skólasystur mínar... til hamingju að vera búnar... í ha í ha....

 kveðja Anna Ruth ofurkáta....

Aðventukrans og smá lestur...

Það er spurning hvort það séu bara sunnudagar í þessum vikum hjá mér eða er ég bara svona löt að blogga? Hvað um það ég sit núna og læri og læri eins og síðasta sunnudag og hinn og hinn.... En þetta fer allt að taka enda og jólin alveg að koma. Ég skellti mér og bjó til aðventukrans áðan það tók ekki langan tíma... hann er einfaldur og bara sætur, græn kerti eins og jólatré á glerdiski með hnetum og glærum steinum í kringum kertin... Í dag ætla ég að setja upp eitthvað af seríum og smá jóladót og kannski smá úti bara skemmtilegt. Jæja læt þetta duga í bili, hendi mér í lesturinn...

 

kv Anna Ruth í próflestri. 

Og lífið heldur áfram :)

Sit hérna og bara læri og læri, ég bara veit ekki hvað ég eiginlega verð orðin þegar ég stend upp úr stólnum ( kannski heilaskurðlæknir ) hver veit. En þetta gengur ágætlega það bara rigna yfir mig verkefnin og lesturinn í bókunum heldur líka áfram, en allt tekur þetta enda skólinn og vonandi kreppan  sem allra fyrst. Nýjustu spár alþjóðagjaldeyrissjóðurinn segja að hagvöxtur verði 4,4% 2011-2013 við bíðum spennt, ég er strax farin að hlakka til. Jæja best að hætta þessu röfli og halda áfram í bókunum

kveðja

Anna Ruth 

Og aftur komin sunnudagur......:)

Þessir sunnudagar koma bara áður en maður veit af, tíminn líður hratt þessa dagana en heilastarfsemin er ekki alveg í takt við þetta. Núna sit ég og er að skrifa ritgerðina mína og eiginlega að brenna yfir úff.... nei nei segi bara svona, en þetta er mikil lestur og þá sérstaklega á ensku og maður er svo sem ekki í neinum hraðlestri í ensku, orðabókin er mikið notuð  núna en þetta mjakast áfram það er búið að ganga vel í stjórnunni  bara nokkrar 10 ég segi bara eins og Erna maður er alveg að breytast í Einstein eða  þannig.... ég vona að það haldist fram yfir jól.... jæja best að hætta þessu bulli og halda áfram að skrifa. kveðja Anna Ruth

Rólegur sunnudagsmorgun....

Það er mjög gott að setjast niður núna í rólegheitunum og byrja að hugsa um lokaverkefnið, það er nauðsynlegt að byrja strax. Ég er búin að finna slatta af heimildum, þannig að nú er bara að byrja. Búin að skila þeim verkefnum sem voru í vinnslu og prófið í HJÚ kláraðist í  gær. Annars gengur þetta bara allt sinn vanagang, allt að verða vitlaust í þjóðfélaginu og allir segja ekki benda á mig, úff. Jæja best að hætta þessu mali og byrja að vinna. kv Anna Ruth

Það birtir upp um síðir......:)

Maður verður að reyna að vera jákvæður þó svo það sé erfitt þessa dagana, það er svo margt sem við getum þakkað fyrir ( beint upp úr pollý-önnu  :) ) Annars gengur lífið sitt vanagang, ég vinn og vinn og læri og læri  bara skemmtilegt.... ég er núna svolítið upptekin af lokaverkefninu og ætla að skoða það núna um helgina.. það veitir ekki af því að byrja eitthvað á þessu... alla vega að byrja á að gera beinagrind....:).... annars er próf í næstu viku í HJÚ þannig það þarf að lesa fyrir það líka... allt á fullu... já best að hætta þessu mali og fara að gera eitthvað, annars þarf ég ekki að hafa samviskubit yfir því að blogga mikið, frekar löt við það undanfarið...en þetta er allt að koma 

kv Anna Ruth

Fullt að gera.....:)

Það er fullt að gera þessa dagana en það sem er efst á dagskránni er að passa barnabörnin mín já það er ótrúlega mikið að gera keyra í fimmleika og ballett svo eitthvað sé nefnt en þetta er bara mjög gaman. Sú elsta er byrjuð í skóla og þarf að gera heimaverkefni, þannig að nú lærir amma með elsta barnabarninu henni Heklu Marey. Verkefna skilin ganga bara vel hjá mér og lesturinn gengur svona la la.... gæti  gert það aðeins betur... Erna þú varst að spá í bækurnar mér sýnist að þær séu þrjár, ein í stjórnun og tvær í kennslufræði....jæja læt þetta duga í bili...

 kv Anna Ruth

Verkefnin byrjuð að streyma inn... :)

Já núna er þetta allt að byrja sem sagt verkefnavinnan, upprifjunarverkefni í hjúkrun og ýmislegt annað, þetta gengur bara ágætlega búin að skila einu verkefni í hjúkrun og bara bíð eftir næsta  eða þannig... annars er bara gaman að vera byrjuð aftur í skólanum, var að ná í síðustu eintökin að kennslubókum í dag það var sem sagt í kennslufræðinni ekki seinna vænna... en þetta tókst allt saman..... jæja best að halda áfram að læra.... bið að heilsa öllum í bili

 kv Anna Ruth

Jæja nú fer skólinn að byrja aftur..... :)

Já tíminn flýgur og skólinn að byrja, það verður bara skemmtilegt að byrja aftur, og það er gaman að núna er maður farin að sjá fyrir endann á þessu verkefni...... 

En svona önnur mál, svolítið mikil vinna þessa daganna núna er maður að dekka bilið þar sem sumarfólk er farið í skólann og staffið ekki allt komið úr fríum... þannig að dálítið mikið um aukavaktir (  $$$ smá dollara- merki í augunum ) en það er ágætt að vinna aukavaktir núna áður en skólinn byrjar.....

Brýnasta verkefnið núna er að ná úr sér kvefinu .. og það gengur ágætlega þetta er allt að lagast... það er búið að hósta mikið í vinnunni þessa dagana....flensu-tíminn að byrja.. úff......

Jæja læt þetta duga í bili

kveðja Anna Ruth kvefgemsi.....

Letin allsráðandi....

Já ég veit ekki hvað er eiginlega í gangi með mig....er alveg ótrúlega löt að blogga... og bara yfirleitt að sitja fyrir framan tölvuna, en það er eins gott að fara að starta sér í þessu öllu saman þar sem allt er að fara í gang í skólanum....

Þetta er búið að vera annasamt sumar einhvern vegin en líka frábært, og er veðrið þar búið að slá rækilega í gegn, þetta er búið að vera frábært.... ég hef aðallega verið í bænum í sumar, fyrir utan að vera að vinna í sumarbústaðnum, það hafa nánast allar helgar í sumar farið í vinnu þar, það er bara skemmtilegt, rafmagn komið loksins og vatnið á leiðinni, þannig þetta er allt að gera sig....

 

kveðja

Anna Ruth 

Smá blogg....

Já það fer lítið fyrir blogginu þessa dagana, ferðalög og útivera hefur verið í algleymingi, bara yndislegt, núna er farið að saxast á sumarfríið og alvaran að taka við. Við fórum í Þakgil núna í sumar og það er frábær staður við vorum mjög heppin með veður Spánarverður allan tíman en við vorum þar í þrjá daga, fórum í tveggja tíma fjallgöngu ( frekar erfitt ) en þetta hafðist allt, þarna er hægt að fá leigð lítil hús, mjög notalegt....

Núna er í athugun tiltekt á heimilinu áður en vinnan hefst, svona á milli sólbaða, t.d. er veðrið núna alveg yndislegt sól en samt bara 10 stiga hiti ( maður er orðin svo góðu vanur 20 og yfir  ) jæja best að drífa sig út í garð...

kveðja

Anna Ruth

 

 

Verknámið gengur vel og lýkur eftir rúma viku..... :)

Já þá held ég að sé komin tími til að blogga.... ég hef bara ekki gefið mér tíma til þess, eiginlega sef á milli vakta... það er eins og maður sé orðin svolítið lang þreyttur, en þetta lagast allt, alveg að koma sumarfrí...en það er best að hætta þessu kvarti...mér er hugsað til skólasystur minnar hana Erna sem missti mömmu sína á dögunum... já það er mikið álag á henni þessa dagana og búið að vera, í skóla með heimili í verknámi og að missa mömmu sína sem var á besta aldri... æ já þetta líf er ekki alltaf eins og maður vill hafa það frekar ósanngjarnt finnst manni, ég missti mömmu mína þegar ég var rúmlega þrítug þetta var erfiður tími, en fyrir mömmu var þetta mikil líkn.

 Hvað verknámið varðar þá hefur það gengið vel, ég er búin að læra heil ósköp, þetta er búið að vera skemmtilegt og krefjandi. Mjög góður starfsandi á deildinni og leiðbeinandinn góður og afslappaður. En núna er alveg að koma að lokum verknámsins og þá tekur sumarfrí við það verður frábært og vonandi helst veðrið eins og það er búið að vera. Jæja best að fara út í sólina ég á nefnilega einn dag frí og ég ætla að nota hann vel.... bið að heilsa í  bili....

kv Anna Ruth 

Mikið að gera þessa dagana.... :) Hafnarfjörður 100 ára

Já það er sko búið að vera mikið að gera þessa dagana, skemmtidagskrá bæjarfélagsins búin að vera í þrjá daga, svona eins og þrír 17 júní dagar, mjög fjölbreytt og skemmtilegt, já bæjarfélagið 100 ára það er nú aldeilis tilefni til að fagna.

Við fórum með barnabörnin að hlusta á tónlistaratriði á Víðistaðatúni á laugardeginum, þar voru t.d. Vicy Polard hljómsveitin , í henni spilar systurdóttir mín á bassa, þetta er eiginlega stelpu hljómsveit en trommarinn er reyndar strákur, þetta er flott hjá þeim, ný komnar frá Kína úr tónleika ferð sem gekk mjög vel. Já það voru líka kraftar eins og " Júró-bandið " Bjöggi, Sálin, og fl og fl... þetta var mikið fjör.

Við fórum í gærkveldi á Ladda sjóði, Jesús minn ég hélt að ég myndi deyja úr hlátri, hann er ekkert venjulegur þessi maður, það er eiginlega alveg sama hvað hann segir eða gerir hann er alltaf jafn fyndinn, frábær skemmtikraftur, þetta kemur bara beint frá hjartanu...

Eftir þessa viku er verknámið hálfnað það saxast á þetta, þetta er mjög skemmtilegt og ég er búin að læra mikið, og tíminn líður ótrúlega hratt, þetta verður búið áður en maður veit af.

Jæja ég er að fara á kvöldvakt þannig að það er best að reyna að gera eitthvað að viti þangað til..

kveðja Anna Ruth sæl eftir annasama helgi...

Nú er komin tími á blogg...

Það er alveg hrikalega lítill tími núna þegar maður er í 100% vinnu, eða það finnst mér. Það eru öll skilningarvit á fullu... spurning hvort eitthvað hafi farið af heilabúinu á síðustu önn ég vona ekki. En þetta er mjög skemmtilegt en það er líka margt að muna og læra... en þetta kemur allt fyrir rest. Eins núna er svo mikið af nýju fólki þannig að það er frekar þröngt á vaktinni þessa daganna...

 Það var léttir að fá síðasta prófið mér fannst það bara nokkuð þungt enda kom það á daginn en þetta gekk samt alveg ágætlega......núna er bara ein önn eftir það er alveg ótrúlegt, tíminn er svo fljótur að líða...jæja núna er ég að hugsa um að fara í bedda morgunvakt á morgun 

kveðja Anna Ruth með sigin augnlok